സമര്പ്പണം മനുഷ്യസമൂഹത്തിനനും (ഇതര മതസ്ഥര്ക്കും )
***********************************************************
ജിഹാദ്(കടപ്പാട് കവിമൊഴി ,ആഗസ്റ്റ് 2014)
------------
ലോകത്ത് ഏറ്റവും കൂടുതല് തെറ്റിദ്ധരിക്കപ്പെട്ട പദമാണ് ജിഹാദ്.ജിഹാദ് എന്ന വാക്കിന്റെ അര്ത്ഥം അറിയാതെ കല്ലെറിയുന്ന പദം .മുസ്ലിം സമുദായത്തില്പ്പെട്ട പലര്ക്കും ഈ വാക്കിന്റെ അര്ത്ഥം അറിയില്ല എന്നത് സത്യമായ വസ്തുതയാണ്.
ജിഹാദ് എന്ന വാക്കിന്റെ ഭാഷാപരമായ അര്ത്ഥം സാഹസപ്പെടുക ,കഠിനമായ പ്രയാസങ്ങളോട് മല്ലിടുക, കഠിനമായി പ്രയത്നിക്കുക,കഷ്ടത അനുഭവിക്കുക എന്നൊക്കെയാണ് .ജിഹാദ് എന്നാല് മനസ്സിനോടുള്ള സമരമാണ് .വ്യക്തിയിലും ,സമൂഹത്തിലും ,രാഷ്ട്രത്തിലും ,ലോകത്തും ;സത്യവും ,ധര്മ്മവും സന്മാര്ഗ്ഗവും ,നീതിയും സ്ഥാപിക്കുവാനും നിലനിര്ത്തുവാനുമുള്ള കഠിന പ്രയത്നങ്ങള്ക്കാണ് ഇസ്ലാമില് ജിഹാദ് എന്ന് പറയുന്നത് ഇത് സംസ്കരണംമാണ് ഇതര സമൂഹത്തോടുള്ള സമരമല്ല ,യുദ്ധമോ വെല്ലുവിളിയൊ അല്ല .
ഖുർ ആൻ പറയുന്നത് കേൾക്കുക "നീ ആരാധിക്കുന്നതിനെ ഞാൻ ആരാധിക്കുന്നില്ല .ഞാൻ ആരാധിക്കുന്നതിനെ നിങ്ങളും ആരാധിക്കുന്നില്ല .നിങ്ങൾക്കു നിങ്ങളുടെ മതം എനിക്ക് എന്റെ മതം "(അദ്ധ്യായം 109 ,സൂക്തം 6)
മതം അടിച്ചേൽപ്പിക്കപ്പെടെണ്ട ഒന്നല്ല മറിച്ച് സ്വയം അറിഞ്ഞും അറിവ് പകർന്നും അറിവ് നേടിയും ആർജ്ജിക്കേണ്ട ഒന്നാണ് ജിഹാദ് സ്വയം സംസ്കരണത്തിനുള്ള പാതയാണ് . നല്ല മാതൃകയാണ് ഇതര സമൂഹത്തിന്റെ ആദരവിന് പാത്രമാകേണ്ടത്...... വിദ്യാഭ്യാസം ,സംസ്കരണം ,സദുദ്ദേശ ശിക്ഷണം തുടങ്ങിയവയെല്ലാം ജിഹാദിന്റെ ഭാഗങ്ങളാണ് ,സമൂഹത്തിന്റെ അഭ്യുന്നതിയാണ് അത് ലക്ഷ്യം വയ്ക്കുന്നത് .എല്ലാ മേഖലയിലുള്ള അറിവും ജിഹാദ് തന്നെ സത്യാ മാർഗ്ഗത്തിലുള്ള എല്ലാ ചലനവും ജിഹാദാണ് എല്ലാ ലക്ഷ്യവും നന്മയിലാകണം .നന്മ മാത്രമാണ് ജിഹാദ് .തീവ്രവാദമോ ,പിടിച്ചടക്കലോ,കടന്നുകയറ്റമൊ, അതിർത്തി കയ്യേറ്റമോ ,സത്യമാർഗ്ഗത്തിലുള്ള ആത്മഹത്യയോ ജിഹാദല്ല.;ആത്മത്യാഗമാകാം .ജിഹാദ് എന്നാൽ കേവലം യുദ്ധമല്ല മറിച്ചു സത്യമാർഗ്ഗത്തിൽ ഖുർ ആൻ അനുശാസിക്കുന്ന വിധം ജീവിക്കലും പെരുമാറലും ചേർന്നതാണ്.ദൈവമാർഗ്ഗത്തിൽ നിന്നും സത്യവിശ്വാസത്തിൽ നിന്നും തന്നെ തടയാൻ ശ്രമിക്കുന്ന പൈശാചിക ചിന്തകളെ പരാചയപ്പെടുത്തുക ,സ്വന്തം മനസ്സിനെ ജയിക്കുക .ജിഹാദ് ക്ഷമയുടെ മാർഗ്ഗമാണ് യുദ്ധത്തിന്റെ മാർഗമല്ല ജിഹാദിന് വിശുദ്ധ യുദ്ധമെന്ന പേരുമില്ല .
പരിശുദ്ധ ഖുർ ആൻ വചനങ്ങൾ നോക്കുക .
"വിശ്വസിച്ചവരെ ,വേദനയേറിയ ശിക്ഷയില് നിന്നും നിങ്ങളെ മോചിപ്പിക്കുന്ന ഒരു വ്യാപാരത്തെ കുറിച്ചു നിങ്ങളെ ഞാന് അറിയിച്ചു തരട്ടെയോ ?നിങ്ങള് അല്ലാഹുവിലും അവന്റെ ദൂതനിലും വിശ്വസിക്കുക നിങ്ങളുടെ ദിവധനാതികളില് ദൈവമാര്ഗ്ഗത്തില് ജിഹാദ് നടത്തുക അതാണ് നിങ്ങള്ക്കുത്തമം നിങ്ങള് അറിയുന്നവരെങ്കില് (ഖുര് ആൻ 61:10:11)
"ജിഹാദ് ചെയ്യുന്നവരും ക്ഷമ അവലംബിക്കുന്നവരുമാണെന്നു വ്യക്തമാക്കാപ്പെടാതെ സ്വര്ഗ്ഗ പ്രവേശനം സാദ്ധ്യമല്ലെന്നു ഖുർ ആൻ പ്രഖ്യാപിക്കുന്നു (3: 142)
ക്ഷമയില്ലാതെ പരസ്പരം യുദ്ധം ചെയ്യുന്നവർ,നരഹത്യ ചെയ്യുന്നവർ, തീവ്രവാദം നടത്തുന്നവർ ആർക്കാണ് അള്ളാഹു വാഗ്ദാനം ചെയ്യുന്ന സ്വർഗ്ഗം ലഭിക്കുക ചിന്തിക്കുക .
വീണ്ടും പറയുന്നത് നോക്കു
"ദൈവ മാർഗ്ഗത്തിൽ യഥാവിധി ജിഹാദ് ചെയ്യുക തന്റെ ദൌത്യത്തിന് വേണ്ടി നിങ്ങളെ നിയോഗിച്ചത് അവനാണ് മതത്തിൽ ഒരു ക്ളിഷ്ടതയും അവനുണ്ടാക്കിയട്ടില്ല (ഖുർ ആൻ 22:78)
"നമ്മുടെ മാഗ്ഗത്ത്തിൽ ജിഹാദ് ചെയ്യുന്നവർക്ക് നാം നമ്മുടെ മാർഗ്ഗം കാണിച്ചു കൊടുക്കും അള്ളാഹു സുകൃതികളോടൊപ്പമാണ് തീർച്ച"(ഖുർ ആൻ 29:69) നമ്മുടെ മാർഗ്ഗം എന്ന് പറഞ്ഞാൽ സന്മാർഗ്ഗമാണ് മറ്റുള്ളവർക്ക് നന്മ നല്കുന്നതെന്തും സന്മാർഗ്ഗത്തിൽപ്പെടുന്നു അള്ളാഹു എല്ലാവരുടെയും നന്മ മാത്രമാണ് ആഗ്രഹിക്കുന്നത് ദുഷ്ടത വെറുക്കുകയും ചെയ്യുന്നു .
"സത്യം സ്വീകരിക്കുകയും നാടും വീടും വെടിയുകയും ദൈവമാർഗ്ഗത്തിൽ ദേഹനാദികളാൽ ജിഹാദ് നടത്തുകയും ചെയ്യുന്നവരാരോ അവരുടെ സ്ഥാനമാണ് അല്ലാഹുവിങ്കൽ മഹത്വ്വരം വിജയം വരിക്കുന്നവരും അവർ തന്നെ ;തന്റെ അനുഗ്രഹവും തൃപ്തിയും അനശ്വര സുഖാനുഭൂതികളുള്ള സ്വർഗ്ഗിയാരാമങ്ങളുംഅവര്ക്ക് ലഭിക്കുമെന്ന് അവരുടെ നാഥൻ സുവാർത്ത അറിയിക്കുന്നു .അവരാ ഉദ്യാനങ്ങളിൽ നിത്യവാസികളായിരിക്കും അല്ലാഹുവിങ്കൽ അവർക്ക് മഹത്തായ പ്രതിഫലമുണ്ട് (ഖുർ ആൻ 9:20:22)
കുറ്റവാളികളായ ജനത്തെ അള്ളാഹു നേർവഴിയിലാക്കുകയില്ല .ശിക്ഷ അവരുടെ മേൽ കഠിനമാണ് .ജിഹാദ് എന്നാൽ അല്ലാഹുവിന്റെ മാർഗ്ഗത്തിൽ ക്ഷമാപൂർവമുള്ള പ്രയാണമാണെന്ന് മുസ്ലിംങ്ങൾ മനസ്സിലാക്കേണ്ടതുണ്ട് .
ദൈവം എന്ന പദത്തിന് അറബിയിലുള്ള സമാന പേരാണ് അള്ളാഹു .ഓരോ ഭാഷയിലും ദൈവത്തിനു സമാന പദങ്ങളുണ്ട് ദൈവമാർഗ്ഗം നന്മയുടെ മാർഗ്ഗമാണ് അവിടെ തിന്മക്കു സ്ഥാനമില്ല.
കാഫിർ എന്ന പദം അവിശ്വാസി എന്ന അർത്ഥം നല്കുന്നു മുസ്ലിങ്ങള്ക്കിടയില് സത്യമാർഗ്ഗം അറിഞ്ഞിട്ടും പിന് തുടരാത്തവരെ അവിശ്വാസികൾ എന്ന് വിളിക്കുന്നു മുസ്ലിംങ്ങൾക്കിടയില് സത്യമർഗ്ഗം പിന്തുടരാത്തവർ അവിശ്വാസികൾ തന്നെ തീവ്രവാദം സത്യമാർഗ്ഗമല്ല എന്ന് മനസ്സിലാക്കേണ്ടതുണ്ട്.
എല്ലാവരും നന്മയുടെ മാർഗ്ഗം സ്വീകരിക്കുമ്പോൾ ഈശ്വര ചൈതന്യം തന്നെയുണ്ടാവും അല്ലാഹുവിന്റെ മാർഗ്ഗത്തിലുള്ള ജിഹാദ് അതാണ്. അത് തന്നെയാണു വിശുദ്ധ യുദ്ധവും. വിശുദ്ധയുദ്ധം എന്നത് അന്യ മതസ്ഥരോടുള്ള യുദ്ധമല്ല തന്നോടു തന്നെയുള്ള സംസ്കരണത്തിന്റെ പാതയിലുള്ള യുദ്ധമാണ്
*****************
ഹബീബ് പെരുംതകിടിയിൽ
http://habeebesahithyalokam.blogspot.com/