ഭൂമിഗീതം
 ..................................
നിങ്ങളറിയുമോ ശാദ്വല ഭൂമിയെ
കണ്ണീർ പൊഴിക്കും സ്വപ്നതീരങ്ങളെ
നിങ്ങൾ മറന്നോരു സ്വർഗ്ഗയാനങ്ങളും
നിങ്ങൾ തിരഞ്ഞോരു നരകവാതായനങ്ങളും
തീരമണയുവാൻ നേരമാകുന്നുവൊ ?

നിങ്ങളറിയുന്നുവോ നഗ്നനേത്രങ്ങളെ
നമ്മൾ ജനിച്ചോരു മണ്‍കുടിൽ തൊട്ടിലും
നമ്മൾ വളർന്നോരു താരിളം മേട്ടിലും
ചൂട് ചുരത്തുന്നു മണൽക്കാട് പൊന്തുന്നു
ചാര് ചാറ്റുന്നു കനൽക്കാറ്റു വീശുന്നു .

ഇന്നലെ ഞാൻ കണ്ട സ്വപ്‌നങ്ങളൊക്കെയും
ഇന്നിതാ മണ്‍മടിയിൽ നൊന്തുപിടയുന്നു
ഇന്നലെ നീവന്ന വന്ന വഴികളൊക്കെയും
ഇന്നിതാ മരുഭൂവിൽ തെന്നിമറയുന്നു.

കാനൽജലം കാണ്‍കെ കണ്മിഴിച്ചോടുന്നു
മരുപ്പച്ച തേടുന്ന മാനസ്സം തേങ്ങുന്നു
മായയിൽ മധുവിൽ മയങ്ങുന്ന ജീവിതം
പ്രളയകാലത്തിന്റെ ശിരസ്സുമായി നീങ്ങുന്നു
 .
നാളെ നിൻ നാളുകൾ ഭ്രാന്തമായ് ചേർന്നിടാം
നാളെ നിൻ നാവുകൾ നീർച്ചോല  കൊതിച്ചിടാം
നാളെകൾ നഷ്ടമായി അന്യംതിന്നിടാം
അന്യോന്യം നമ്മൾ വന്ധീകരിച്ചിടാം!

നക്ഷത്രങ്ങളൊക്കെയും മിന്നുന്ന സന്ധ്യയിൽ
സന്ധ്യാവന്ദനം ചൊല്ലുന്നു പകലുകൾ
ഏവർക്കും നന്മകൾ നേരുന്നു ചേതന
പ്രകൃതിയെ സ്നേഹിച്ചു സ്നേഹിച്ചു കഴിയണം .

       *********************
ഹബീബ് പെരുംതകിടിയിൽ
http://habeebesahithyalokam.blogspot.com/