കാമ കാണ്ഡം
--------------------
കത്തുന്ന വയറും കരിയുന്ന മനവുമായി
തെരുവിന്റെ മകള്‍ ഭിക്ഷയിരക്കുന്നു
ഒട്ടിയ വയറിന്‍റെ കാളലില്‍ വാക്കുകള്‍ 
പൊട്ടിച്ചിതറുന്നു കണ്ണീര്‍ മണികളായ്
"ഒരു പത്തു രൂപ തരുമോ ചേട്ടാ" ??
"ഒരു പത്തു രൂപ തരുമോ അണ്ണാ" ??
പത്തല്ല,നൂറല്ല ,ആയിരം തരാം
പത്തു നിമിഷത്തിന്‍ വിലയാണു പെണ്ണേ
പാത്തും പതുങ്ങിയും ചുണ്ടുകള്‍ ചിലമ്പുന്നു.
പട്ടിണി തിന്നാലും പാപം പറയാതെ
കൊഞ്ചി കുഴയാതെ പോവെന്റെ ചേട്ടാ
കൊന്നു തിന്നാന്‍ വരാതെ അണ്ണാ
പാവം പെണ്ണവള്‍ കേണു കരയുന്നു .
ആരാന്റെ പൈതൃകം ഭാരമായിപേറുന്ന
ആരാനുമില്ലാത്ത പെണ്ണവള്‍ പിടയുന്നു.
ആയിരം കണ്ണുകള്‍ രാവില്‍ കലരുമ്പോള്‍
ആലംബമില്ലാതെ വഴി നീളെ പായുന്നു .
കഴുകന്റെ കണ്ണുകള്‍ കൊതിയോടടുക്കുന്നു
കടലിലെ തിരമാല കാതോര്‍ത്തിരിക്കുന്നു.
കാമപുരകള്‍ കത്തിജ്വലിക്കുന്ന
കാലഘട്ടത്തിന്‍റെ മേച്ചില്‍ പുറങ്ങളില്‍
വിത്തു വിതയ്ക്കുവാന്‍ തക്കം തിരയവേ
കത്തുന്ന പന്തവും കയ്യില്‍ കൊടുവാളും
കാട്ടിയ പെണ്‍കൊടി
കിട്ടിയ ചേട്ടന്റെ ലിംഗം(കാമം) മുറിക്കുന്നു!

ഹബീബ് പെരുംതകിടിയിൽ
http://habeebesahithyalokam.blogspot.com/